နောက်ခံသမိုင်းကြောင်း
အစိုးရနည်းပညာကောလိပ်(ရွှေဘို)သည် စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့နယ်တွင်တည်ရှိပါသည်။ ရွှေဘိုမြို့၏ အရှေ့မြောက်ဘက် (၅)မိုင်(၃) ဖာလုံခန့်၊ ရွှေဘို-မြစ်ကြီးနား မဟာဗျူဟာလမ်းမကြီး၏ အရှေ့ဘက်(၁.၁၄) မိုင်အကွာတွင် တည်ရှိပါသည်။ အကျယ်အဝန်းအားဖြင့် ၇၉.၂၈ ဧကကျယ်ဝန်းပါသည်။
အစိုးရနည်းပညာကောလိပ်(ရွှေဘို)အား ၂၀၀၇ ခုနှစ် ဇန်နဝါရီလ(၂၀) ရက်နေ့တွင် အသစ်တိုးချဲ့ဖွင့်လှစ်ခွင့်ပြုခဲ့ပါသည်။ သိပ္ပံနှင့်နည်းပညာဝန်ကြီးဌာန ဝန်ကြီးက ၂၀-၁၁-၂၀၀၅ ရက်တွင် လာရောက်ကြည့်ရှု၍ အဆောက်အဦးဆောက်လုပ်မည့် မူလပန္နတ်အားသတ်မှတ်ပေးခဲ့သည်။ ၉-၁၂-၂၀၀၅ ရက်နေ့တွင် ဒုတိယဝန်ကြီးက ပန္နတ်တင်မင်္ဂလာအခမ်းအနားကို ဆောင်ရွက်ပေးခဲ့ပါသည်
အဆောက်အဦးကို ထူးထရေးဒင်းကုမ္ပဏီက ၂၅-၁-၂၀၀၇ စတင်တည်ဆောက်ခဲ့ပါသည်။ ရှေ့မျက်နှာစာအလျား ၄၅၂ ပေ၊ ဘေးမျက်နှာစာ ၃၀၀ ပေနှင့် U ပုံသဏ္ဍာန် သံကူကွန်ကရစ်အဆောက်အဦးဖြစ်ပါသည်။ ပင်မသုံးထပ် ကျောင်းဆောင်ကြီးအား ၂၀၀၈ခုနှစ် အောက်တိုဘာ (၃၀)ရက် နေ့တွင် ဆောက်လုပ်ပြီးစီးခဲ့ပါသည်။ အစိုးရနည်းပညာကောလိပ်(ရွှေဘို)အား ၂၀၀၈ ဒီဇင်ဘာ ၁၅ ရက်နေ့တွင် AGTI ပထမနှစ်ကျောင်းသားကျောင်းသူ ၄၈၃ ဦးဖြင့်စတင်ဖွင့်လှစ်သင်ကြားခဲ့ပါသည်။ AGTI သင်တန်းများ၊ B.Tech သင်တန်း၊ BE သင်တန်းများကို ဖွင့်လှစ်ပို့ချခဲ့ပြီး ၂၀၂၂-၂၀၂၃ ပညာသင်နှစ်မှစ၍ စနစ်သစ် B.Tech သင်တန်းကို စတင်ဖွင့်လှစ်သင်ကြားပေးလျှက်ရှိပါသည်။
![](http://www.gtcshwebo.edu.mm/wp-content/uploads/2024/07/gtc-image.jpg)
ရည်မှန်းချက်
လူမှုရေးနှင့်စီးပွားရေးဖွံ့ဖြိုးတိုးတက်ရေးကဏ္ဍများ၌ ကျွမ်းကျင်တတ်မြောက်ထားသော အသက်မွေးဝမ်းကျောင်းပညာရပ်များဖြင့် ထိရောက်စွာပါဝင်ဆောင်ရွက်နိုင်ပြီး ပြည်တွင်း၊ပြည်ပ အသိအမှတ်ပြုခံရသော သင်တန်းသားများ မွေးထုတ်ပေးရန်ဖြစ်သည်။
မျှော်မှန်းချက်
အရည်အချင်းပြည့်ဝသော နည်းပညာနှင့် သက်မွေးဝမ်းကျောင်းဆိုင်ရာ လူ့စွမ်းအားအရင်းအမြစ်များကို စနစ်တကျလေ့ကျင့်သင်ကြားပေး နိုင်မည့် ကျောင်းတစ်ခုဖြစ်လာရန် မျှော်မှန်းထားပါသည်။
စဉ် | အမည် | ပညာအရည်အချင်း | တာဝန်ထမ်းဆောင်ခဲ့သည့်ကာလ |
---|---|---|---|
၁ | ဒေါက်တာသက်နိုင် | Ph.D(E.P) | ၂၅.၇.၂၀၀၇ မှ ၁၈.၁၂.၂၀၀၈ |
၂ | ဒေါက်တာသန့်ဇော်ဦး | Ph.D (E.P) | ၁၈.၁၂.၂၀၀၈ မှ ၈.၄.၂၀၁၁ |
၃ | ဒေါက်တာလေးမာန်ဝင့် | Ph.D(Mech) | ၈.၄.၂၀၁၁ မှ ၂၈.၅.၂၀၁၈ |
၄ | ဒေါက်တာလင်းလင်းဇော် | Ph.D(Mining) | ၂၈.၅.၂၀၁၈ မှ ၃၀-၃-၂၀၂၁ |
၅ | ဦးဇေယျာလှိုင် | M.S(Aquatechnology) | ၁-၄-၂၀၂၁ မှ ယနေ့ထိ |